Veciños e veciñas de Lañas, convocados por Alternativa dos Veciños, concentráronse esta mañá para esixir unha solución aos problemas derivados das irregularidades da granxa porcina que se atopa no lugar das Arcas. Alternativa reclama que as administracións e organismos competentes obriguen ao propietario a regularizar a explotación e cumprir as normativas.
Alternativa dos Veciños e a veciñanza afectada levan meses loitando para que o propietario da granxa regularice a explotación, xa que teñen os animais nunhas condicións pésimas e tamén incumpren as normativas ambientais e de seguridade.
